Thursday, March 15, 2012

PA! PIKACHU HILANG!

Pagi ini 16/3/2012, maso bangun semaye, ambo dikejutkan dengan tangise anok sekejap derah sekejap koho. cepat-cepat ambo sudahke semaye de turun tikat bawah nanyo kabar. ruponya anak ambo teghiak  pasal 'pikachu' ngan 'thinker bell' dia hile. 'panda dia tubit sapo buke sare?' tanyo ambo ko anok. 'Dia keluar sendiri lah Pa, dia boleh buka penutup sangkar tu,' kata anaok ambo.

pagi tadi mmutar  ligat ambo  anak beranak cari Pikachu nge Thinker Bell, maso pun dah lewat benar nak gi kkijo. Ambo hampir putus asa dan tubit nak setat keta, tiba-tiba ambo dengar bunyi  mugo dok mmanggil...'creet...creet...howwwk...' rupa-rupanya Pikachu dan Thinker Bell ada dok bawah sofa dan meja komputer dalam rumah ambo. Panje umur dia, kalu pagi tu masih tak jjupo lagi, maknanya sebelum tengahari Pikachu dan Thinker bell mungkin akan jadi mulah sebab anok-anok jate 'muloh Kimora'  lama benar doh dok berkenan  ko dio.. 

lepah wat masuk semula Pikachu nge Thinker bell dale sare, ambo pun gostan keta dan gi opih.  bele-bele bawak keta bele-bele nnengung ......Hati rasa sene bila anak-anok suko hati.... begitulah bokali rasa muloh mok, muloh ayoh dulu denge ambo...(ppala flashback tahun 70an-80an).... Yak! sapa doh opih!

Pikachu: Sugar Glider jate
Thinker Bell : SG Betino
Kimora: kucing Parsi
anak-anak jate Kimora: Shokuberry
                                     Blueberry
                                     snow white

Gitu lah kisahnyo pagi ni, main ngan anok-anok gak pah kkito jadi budok... lok gi lahh, kito dulu mak ayoh kito tak pehe mugo ni, mugo demo tak ngaji skolah...

No comments: