SALE PERPISOHE

Sale sejahtera adik kakok saing sobat kawe lamo

Hari ni tadok tue tadok kuli

Sebab kita sudah ppisah tidak lagi duk sekali

Sedih jugak hati tapi pasal kerja kena juga bawa diri

Ambo minta maaf kerana gi curi-curi

Buke sebab ambo beci jauh sekali rasa tak sudi

Ambo sedih selamo duk jeybiji

Ore buat serupo ambo takdok hati

Tu sebab ambo takgi bila jeput kenduri

Duduk jauh ingat pula terasa

Jaybiji  bahagie syariah banyok suko duko

Sedih sungguh sebab tinggal tak bui ggapo

Sikit nasihat untuk kenange dari ambo…

Mulo mulo sekali Shafa PA ambo

Mintak maaf sebab tak ghoyat dari mulo

Ambo tukar buke tak suko ddemo

Terima kasih pasal banyak tulong ambo

Wat kijo first class sokmo

Payoh doh ambo nok jjupo

Pah tu Aishah serupo jugok

Ada masalah jange mudoh nak teriak

Kerja banyok biarlah walau ore tak nampok

Esok untung ke Aishah jugok

Wan Aizaa mace kereta kebal

Kalu dia ado ambo tak raso goba

Denge Bos kena banyok sObar

Nati dia maroh lamo kan nyesal

Ingat pesan ambo tahu mana kita asal

Sofian pun samo jugok

Buat kerja jange teragak-agak

Kalu turut pun jange buat mace ssodok

Ingat kita masih ada pok

JKSM jange buat tak napok

Nanti susoh kito jugok

Terima kasih jugok ambo ke Kak Pah

Banyak tulong bilo maso susoh

Duduk mano pun semua kerja raso payoh

Apa nak buat itu dah amanah

Buat sajo lah lamo-lamo tentu jadi mudoh

Gitu jugok Zul walaupun baru masuk syariah

Tuannyo senyap tapi kerjonya derah

Buat jah kijo tentu ore tak maroh

Cerito hok lepah jadikan sejarah

Tunjukkan bukti syariah buke tepat bue ore saloh

Faiz Afsal pun samo jugok

Semuo kato syariah tepat bue daeroh

Tapi ambo tahu semua tidak salah

Dale kerja meme lah acap buat saloh

Baso dialah kita kena belajar dari susoh

Sahidan sorang lagi ambo pun tak lupo

Dok ssore tak jjadi kena duk berduo

Tapi perabih dulu ngaji baru caghi ore ttino

Baru kerjo hati raso suko

Last sekali Anas, adik bongsu..

Tak dan lamo, tak sempat nak ajar berguru

Banyak bertanyo buke maknonya tak tahu

Ilmu dan amal keno letak nombor satu

Sekie sajo seloko ambo

Buat ingate untuk ssemo

Dua tahun pada ambo maso yang lamo

Bekok seloro jange beraso

Salah silap maafkan sajo

Jange sipe dale hati belako

Ambo gi dekat sajo

Setakat Wilayah, tak jauh mano

Ada ggapo telepon lah ambo

Jange kato ambo suko

Dok ssini pun dok teringat sokmo

Jaybiji banyok kenange menjelmo.....

Yu all de best det i hev never seen befo

Wassale..

LAGU BUAT AYOH

Selamat jale ayah ku tercinta

Menuju ale tepat asalnya kita

Semoga tuhe bui rahmat cahaya

Ayah ku saye menuju ke alam baqa

Perginya ayah pada satu dinihari

Putuslah sudah tali ayah denge duniawi

Cuma hadiah anak mu bulih bui

Al-fatihah buat terakhir kali

Pergilah duhai ayahku

Lepaslah tange anakmu

Yakinlah jange keliru

Kalimat kita hak dulu

Ayah pera kami denge tak rajin berasa bose

Terik tapak kaki kami besar daun gelengge

Kami menane bunga di kubur ayah

Tanda mengene jadi satu sejarah

Seore pejue dari keluarga ore susoh

Itu lah binte kebesare dari Allah

Hayatnya dulu tadak pingat datuk tan sri

Hasratnya satu membela keluarga sendiri

Bagi anak mu itulah lebih beerti

Buat menuju hasrat rabbul izzati…

 

 10 tahun genap pemergian baba tercinta. 10/3/2013

al-Fatihah