Thursday, June 13, 2013

JALI NNISE: THE LEGEND KOTA BHARU

 3 Jun 2013. Kebetule ambo ada janji temu dengan saing di Istana Balai Besar Kota Bharu. Janjinye puko 9 pagi. Lebih kure 9.05 minit ambo dah sapa tengango  di Pade Bank. Tunggu-tunggu tak dak napok pun baye. lebih kure puko 9.15 barulah dia ada telepon, ghoyat takleh maghi awal kena tunggu puko 11 setengah baru buleh sapa. Katanyo nak gi klinik dulu bawok anok ceghah perut.

Ok lah. Begheh. baghu puko 9.20. Peghut pun mula rasa lapa tak make pagi lagi. Ambo jale kaki soghe-soghe litah Bazaar Buluh Kubu. jale sterit...napok pasar Siti Khadijah..Mulonya ingat nak make nasi belauk atas keda (pasar), tapi teringat pulok ko nasi bukuh sebelah pasar lamo bedepe ngan stesen bas sebelah Chin Seng. 


 
 Sebelah Chin Seng ni ada keda kopi 
pat drebar kereta sewa tunggu pasenjey
 
Denge nek ta tak pecat, baju putih kacing llenge wak masuk ddale, ambo litah jale alah ko stesen bas. Ada duo tigo oghe kerling kok ujung mato..Bokali dio tengok ambo pelik paka po D.O jjale kok Kota Bharu. Agah bokali budak ni dale hati....

Litah stesen bas...tak hmeno-meno ppulut ingate lamo..

Dulu maso skoloh, ambo dey jadi hero ssining.....


Pitah kok kereta sewa, kona kkanan hilir market lamo (market tak tahu mano doh, keno rombak) ado keda ssutir pat drebar teksi dan kereta sewa tunggu passenjey. samo mace dulu.. Ore pu ore samo, cumo ppalo jah putih beruban.. Tuo doh blako. Ado sore duo tu ambo kenal lagi, tapi sekyo tak kenal doh ambo. Lagi pun dulu ambo budok, lo ni tuo doh jugok. Paka pulak baju kacing llenge ta tak pecat, ko- demo tu tak kenal.

Tengoh sedak make, blake ambo keno tepok."Cih Menate ning, Balik kkapung tak ajin maghi pat aku..! Tok soh nnusuk la, belikat mung pun aku kenal!...."

"Agah menate ning lo ning...Aku dengar kabar mu jadi Oghe besar kololupo..paka baju pun supo dokto, mung sesat alah kuano sapa ssining?"

Menasaboh pun oghe kata agah....(aku kato dale hati laa)

"Cih! Jali..." Ranggah dulu nak gege pun..." sahut aku bele ssengih...

Rupo-ruponya Jali hok tepok belake ambo. Jali ni tue-tue, lejen Kota Bharu jame ghitu. Ambo tak sey bbual lah ssining..semua oghe pun tahu... Lama tak jjupo nge Jali ado la dale 15 tahun. Banyok bendo nak ghoyat. Tubit habih sekalie cerito sekalie namo saing-saing dulu kalo. Setengah pade setengah ambo pun tak ingat doh..  Bbual ngan Jali buke sokmo-sokmo.   Terasa budok balik semeta-meta. Ralit bbobok nge Jali Nnise, ambo tak kabar jam doh puko 12. Peduli lah ke janji temu, esok buleh mari lagi.

 Lejen Kota Bharu. Jali Nise. Tuo doh lo ni...


Tajuk : Lagenda Jali Nise ( JNTL )
Melodi Lagu Ciptaan : Ary Ariasputera
Lirik Ciptaan : Satria Mega

Terpahat sudah satu legenda
Tanah serendah sekebun bunga
Jali nise ampunyala nama
Nama sebesar dalam arena...

Rambut kerinting afro lagakmu
Bagai mafia berkulit hitam

Ngerinya warga lihat matamu
Bagai terpisah nyawa badan ..

kau jali Kau lah lagenda

Bisa matamu tak siapa menentang
Suara garau memanglah jantan
Siapa melawan buruk padahnya
Jari dipetik berduyun yang datang..

Kini hanya tinggalah nama
Kemana kamu menghilang

Ngerinya warga lihat matamu
Bagai terpisah nyawa badan

kau jali Kau lah lagenda

No comments: