Ambo Anok Oghe Kapung

Ambo anok oghe kapung. Ambo masih ingat dulu maso kecik-kecik muloh ayoh selalu bena bawok ambo gi bbaruh. Baruh  ni tak jauh mano nge ghumah ambo. Belake ghumaoh. Hok mano beso gi dumah tahu lah alik mano baruh ambo. Ghumah ambo ni baruh so keliling pening. Rumoh ambo sebutir jah tengoh-tengoh. Luah baghuhnyo maso tu tak leh nak ghoyat. Tok napok oghe jjale sebere kapung. Kalu napok pun tak kena sapo. Sebenarnya tidak lah luah mano, bilo ambo gi kota bharu sekali sekalo maso tu ambo tengok baghuh tunjung lagi luah, dok ingat ko baghuh kapung ambo jah luah… Nok wat guano ambo kecik kecik dulu mano ado gi jjale tepat lain. Buleh gi kota Bharu tu pun biso tak mudah doh, seminggu bbual ko saing-saing…

Maso tu duk kkapung ambo susoh. Kasut sekolah pun kade paka kade dok. Acak paka selipar jah gi sekolah. Ado sekali cik gu tanyo mano kasut sekolah, ambo ghoyat basah, cik gu tak kata apo.. pade hal ambo tak dok kasut. Ada sepase kalu puye huje seminggu jemur tak keghing. Kalu keghing pun kasut tok napok mace kasut pasa penuh selut. Jale kkapung ambo kalu kena huje sekerat haghi 3 haghi tak abih lagi lecah. Kalu puye ccedung, jale tok sah ghoyat molek lah, lecah tegele betih. Keno kereto ggalo pulok, sekali tengok oghe betuka jale ko paghit.

Muloh mok wo kalu buke musim padi dia tane tembaka. Kalu tak huje dia gi menoreh. Buat puk maso tu buleh lah wat beli ikan tambe tiga amah sepagi. Mok ambo pulak, di beri tuhe buleh ngaji. Molej sogho dia kalu mengaji. Ghama budak-budak sekeliling kapung maghi mengaji kuran rumah ambo. Ngajar kuran ni tak leh pitih jame ghitu, tapi make kenye ado sokmo oghe wat maghi. Pulut kuning nge telor misti kalu ngaji sapa ‘walyatalattop’. Kalu khate jenuh lah kito pakat make pulut kuning nge aye percik. Sebule ada lah dua tiga kali lagu tu.

Kalu puye ccedung pulok, muloh tok ni ada kuba sekor. Ambo panggil ‘balar’ pasal kuba tu ppetik putih.  Muloh ni saye bena ko kuba tu. Puye ccedung buleh lah caghi pitih ambik upah ggalo. Harap ko kuba sekor tu lah rak hidup sapa ke tuo.  Sebut pasal ggalo ning, ambo ingat lagi kerek ambo ikut muloh tok ni gi ggalo tengoh baghuh. GGalo paka kuba ni payoh kalu tak beso. Ggalo oghe paka kayu keghah jenis kayu halban. Maso ggalo air baghuh sekalanya tak banyok, nak perabih sekeping, le ik juga belake. Bele ggalo ambo ingat lagi suko sangat nyanyi lagu Mat Yih, ‘Ggalo patah nanggar’, bele-bele ggalo bele-bele bedikir…..”Cha ! No! Paling! Ggalo kuba seko…”

Habih ggalo tanah keno wi le ik sikit. Lok dulu dua tiga haghi, pah tu mmasuk air wi tanah rende air sughuh lembut sikit. Lepah seminggu sekalanya kena tinde nge ggerap. Setengoh oghe panggil menyisir. Menyisir ni paka kuba seko tak berapo nak rok, tapi muloh Tok ni dah tak dok kuba lain, paka kederat kuba balar seko tu lah.  Gerat atau menyisir nip aka paka sisir kayu, sekalanya oghe wat nge kayu cengal, setengah oghe wat nge kayu beruas, gigi dio pula buat nge bate nibong, nge bate pine pun ado. Hok kedian sikit demo wat sisir nge besi. Sisir besi sedap kalu ggerat pasal buleh dok ttinggong atas sisir bele ggerat.

 gamba hiase...

Mujo lah kederat kuba sekor tu buleh lah muloh ni caghi samah serial. Ambo ingat lagi, muloh ni menitik air mato jual kubo tu maso ambo nak masuk universiti. Seingat ambo, kuba tu dia pera ada dekat 20 tahun….ambo kecik lagi dia pegha kuba balar tu sapa lah ambo besar. Maso jual kuba tu menitik juga air mato ambo pasal jak kkecik lagi ambo jago dia. De rukah atah belake  naik wat supo kudo, kuba Balar tu lah ambo hmandi nanak pete ritu-ritu. Jual kuba tu pasal muloh ayoh ambo tak dok pitih, nok wat tambe gi kola Lupo.

 Maso jual kuba tu, muloh Tok lamo doh tak wat ggalo. Pegho sajo-sajo, saye dio kato. Kerano cucu nak ngaji, dia jual kuba hok paling dia saye, tu jah harta hok dia ado….Lepah tiga bule, dia sakit bawak ko mati.. kesal jugok ambo tak de balah jaso dio…

Sapa ko lo ni, ambo tak leh tengok kuba, kalu kuba balar ko hati ambo bejerit. Kerana kuba tu lah, ambo mengaji di kola Lupo dan jadi oghe besa haghi ni… kalu tidak kerana kuba sekor tu, tak tahu lagi ambo maghi  ke tidak… Mungkin nasib ambo tidak supo haghi ning….

Teringat Masa Dulu-Dulu

Ambo dulu oghe kapung. Besar di Kapung. Ambo beghanak di Kapung kube getah, dekat Kube Kiat sebelah hilirnya, Tanjung pagar dan seberang Mase di sebelah hulunya. Alik Hnaiknya pulok kapung Pasir alik jjatuhnya pulok kapung Panje.

Muloh ayoh ni tak dok kijo melain wat padi so kkaro jah. Celik-celik mato ambo dulu hanyo kena padi jah, Dari semusim sapa lah wat padi dua kali setahun, lo ni denga kabarnyo oghe tane padi tak dok doh mace dulu. Dulu Ggalo paka kuba sekaghe ni paka mesin belako. Dulu sakit pingge-pingge tunduk dok ccedung sekare ni oghe menabur. Dulu mengete hanguh pipi-pipi pasal panah, lo ni paka traktor. Mudoh belako.

Penat wat kijo kapung oghe dulu-dulu caghi hmene lepah kijo. Sebut pasal hmene ni ambo teringat maso kecik-kecik dulu.

Kapung ambo maso tu tak dok api. Letrik ni ambo kenal maso besa dah. Maso BN meretah. Dulu tak dok letrik oghe kapung paka pelito jah. Male-male jjale gi tengok tv pase karak. Karak pulok wat denge daun nyor. Tengok tv maso tu male sabtu ada cerito melayu. Tepat tengok tv pulok tak dok lah jauh mano. Buleh denga enjin generator duk dumah. Bbunyi jah jenerator ambo gelepa tak leh duk ngamok nok tengok tv kelih cerita hantu. Ada skali tu tengok ceghita Pontianak lakune Ahmad Daud. Takutnya alah kelik jale bekepit nge muloh Mak wo, tengoh jale nyo kosek pulok ko budak-budok, betempik ambo laghi…Sukonyo ingat jame dulu… Tengok Tv ni supo hmene jugok jame ghitu pasal tak banyok hmene supo lo ni…

Masih ingat lagi sebaik habis jah musim mengete, arwah abe Seme (Seman wau bule) yang sohor dengan dikir barat pakat-pakat  denge awak-awak kampung likung padang rang dengan supit putih (supit atap tembakau) wat dinding  untuk kutip teket berdikir. Petenya pulak ada lah bin  (anak lori) masuk kapo gege bunyi speka sambil tabur sakla male ni ada bedikir tuke karutnya seman wau bule. Abang Seman ni maso tu masih muda belia lagi, dia ni buke oghe lain denge ambo duduk pun tidak jauh mano dalam sepenanak nasi bejale jah. Dia di sebere Beta  ambo di Kube Getah. Tok Nye dia pulak bekait waghih dengan tok Nye ambo. Maka penuh lah kampung Kube Getah maso tu oghe ghama pakat maghi jauh dekat nak tengok berdikir.Male ceghoh supo sie, sie teghe supo tak dok male. Sukonya dok kkapung maso tu.

Abih bedikir ada pulak waye kulit. Tuk Dalenya Pak Loh Baju Meghah, mulah belako doh la ni. Waye Kulit ambo tak dan beso mano masa ambo kecik kerana arwah ayoh ambo tu lebai sikit dia tak berapa nak bui gi sangat tengok waye kulit kerana maso tu hmene waye ni hmene oghe mudo-mudo. Selalunya  maso hmene waye kulit ni akan ado lah oghe begocah oghe betetak. Zame tu oghe kapung tak leh lepa nak betetak , kebanyakke nye betetak pasal dende lamo berebut kuba berebut lembu berebut ttino. Maso hmene ginilah demo betemu mata dan pakat tunjuk masing-masing meto. Tapi ambo de ingat waye kulit ni beberapa kali main di Padang Rang kat ghumah ambo.

Ambo ingat lagi ada saing ambo nama Supi denge Seghi. Dia ni adik beradik kembar anak muloh Mak Cu Melah. Demo ni  male-male ngaji ghumah ambo. Dia dua beghadik ni nakal tak dok oghe lah zaman kecik dulu.  Ada skali tu musim hmene waye Kulit di Padang Rang kat kampong ambo. Asal silahnya oghe kapung tak beghapo nak bui hmene waye kulit di kapung maso tu bokte begocah bertetak. Tapi pasal layar dah pase, waye main juga male tu. Nak jadi cerito Supi ngan Seghi ni, ayoh dia denge muloh mok dia tak berapa berkene hmene waye kulit tu di padang rang. Mako Supi nge Seghi ni Pete tu dia pakat-pakat caghi belalang. Balik kumah dia campur nge tahi boh dale supit. Pah tu kocak-kocak nge belale dale supit tadi. Male tu dia bawa gi  tempat Waye Kulit. Pah tu dia lepah kat oghe ghamai… Apa lagi, Belale pun tube merata-rata cari cahaya api. Ghama lah oghe tepege terpetak belale tadi, apa lagi habih lah bau taik!.

Lepah musim mengete juga ghama oghe main kertok. Amat lepah Ggorib jah, tak dan nati Isa kertuk pun bbunyi merato-rato kapung. Dok kapung ambo buleh denga bunyi kertok di Chekok, Kemubu, Keda Piah, Lunde paku, Kube Kiat, Kadok, Pade Tengoh, Alur Mase, Tok Kong. Buleh kato bunyi so keliling kapung. Beraso bena hati nak gi tengok oghe main kertuk tapi muloh ayoh tak bui pasal balik tengoh male. Kesie dok minta nak gi tengok tak bui, mullah ayoh ni buat kertok nge buah nyor. Suko gak ambo palu kertok nge buah nyor… ketuk! Ketuk! Ketuk!...

Hmene tadi oghe main male. Sie pulak maso tu oghe main besilat tari. Silat tari ni lamo dari pete sapa male. Ghama lah tok Ddekar seluruh negeri merata chawat main silat tari silat pulut. Musim mengete jugak tok-tok ddekar ni buko gelangge. Ambo de belaja silat pulut kat ghumah nge tok ddeka  semail dok ujung kapung. Muloh doh dia ni. Lepah belaja silat kita belaja tukat. Abih belaja mula lah nak sudi oghe tu nak sudi oghe ni, masing- masing tunjuk meto tak leh lepa tengok oghe melitah masuk kapung tak dok kijo lain, ko dok caghi butir nok ajok begochah jah.

Teringat juga ambo maso kecik kecik dulu, abih ngaji quran tak dok kijo lain terus lopat turun main bbidah para. Tage getah banyok-banyok wak kon pital main bbidah para. Getah orat penuh dale supit, hok dok llenge tu pah ko siku. Habih main bbidah para main pulok bola awa, bola kaki tiga dan mace-mace hmene lagi maso tu. Kalu tak dok gu jate buleh main dnge budok ttino. Main ddecak, main selambut, kucing petap, badak ayu-ayu pun ambo main nge budok ttino. Main badak ayu-ayu ni suko. Sapo laghi tak de ghukah pohon kayu kena jilat ko babi. Sapo tak de laghi keno jadi  ibu.

Habis musim mengete masuk musim bah. Musim ni tak banyok hmene buleh main. Huje tak bereti ghata-ghiti air penuh dale kapung. Maso budok-budok ni kepala tak pikir benda lain melainkan hmene. Musim huje ambo budak-budak main bedil ceracak. Buat bedil sendiri buh buluh jadi mata, turun ke sawoh mengharung air bah bbedil ike. Puye baah lagi suko ambo maso budak-budok. Banyok lah buleh ike rue ike keli. Ike ppuyu payoh sikit pasal dia leper.

Celik mato alik pagi hungga gi tengoh pade, tengok air mmenuh seluruh kapung. Anak padi habih tenggelam nampok pucok jah. Maso tu lah nak tehe taut, nak tehe bubu, nak tehe jaring… Alah ko pete sikit tak dok hmene lain ghama-ghama turun gi menetak ike dale baruh.  Nanak tahun tepo golok. Muloh tok ni kebetulenye tuke besi. Musim boh jah jenuhlah ambo cari besi nak tepo golok wat menetak ike. Nak caghi besi maso tu tak payoh, caghi jah taka timbo atau taka bledi hok tok paka. Taka bledi ni banyok pasal muloh tuk ambo dulu menoreh getah. Beldi hok dia tak pakai tu buleh lah ambik takal tepo wak golok. Golok dumah ambo ado dale dua tigo belah bilah… ado lagi sapa lo ni.. jadi kenange maso budok-budok dulu…

Gi ngaji quran puye bah ni ambo tak gi ngarung air. Ambo gi naik cik Njing. Cik Njing wat nge buluh. Buh tapak nge kayu tengoh-tengoh pah tu jale lah dale air dale boh. Lagi tinggi lagi biso. Oghe tuo-tuo pulok tak dok paka paying. Nak beli paying masa tu mahal oghe kapung tak dok pitih. Demo paka same jah buh atah ppalo buleh wat gi ccerut rumput ko lembu dale huje.

Abih musim huje musim bah masuk lah pulok musim kemara. Agok-agok dale awal tahun. Maso ni padi pun dah besa dah ada sekerat peha. Buah padi pun dah hija.. Padi masak dale bule tigo lebih kure. Musim padi masak adalah musim mengete. Jenuh lah pulok budok-budok maso tu tak gi skolah tulung mok ayoh mengete. Kalu musim mmukul padi, ambolah hok mmunggah padi dari tengoh pade wak balik kumah pikul dale gguni. Kalu ada basikal unta buleh lah punggah paka basikal limo ne gguni sekali punggah. Lepa mato mok buleh pikul so gguni gi jual rumah berahim Mekyah Kubur Tok Akop buleh lah sepuluh rial. Sepuluh rial tu buleh lah wak gi bejale raun kota bharu hari sabtu menebeng kot stesen bas..

Permainan Tradisonal yang semakin Dilupakan

Artikel ini dipetik dari www.dikirbarat.net.com  mengenai kesenian yang dilupakan. Terasa ianya penting  dan perlu diketahui oleh generasi seterusnya, saya  salin semula untuk  tatapan diblog ini. Kesenian Tradisional Kelantan « on: February 10, 2008, 08:39:48 AM »

Pada masa ini Kelantan adalah sebuah negeri yg terletak di pantai timur semenanjung tanah melayu. Dalam membicarakan hal kebudayaan Kelantan kita seharusnya tidak dapat memisahkan Kelantan dengan negeri Patani dan Trengganu.  Cara hidup perbahasaan dan adat resam penduduk negeri itu adalah sgt ketara persamaannya.  Keturunan raja2 Kelantan adalah nyata dari keturunan diraja Patani juga.  Oleh kerana keadaan politik begitu jauh berubah sehingga Patani dan Kelantan terpisah masing2 tinggal di dalam negara berasingan, maka kita tidak begitu mengetahui dan merasa tentang Patani dan Kelantan adalah pada dasarnya negeri yg sama kebudayaannya. Kelantan di anggap sebuah negeri dalam Patani sehinggalah proses Kelantan masuk di bawah naungan negeri2 yg di sebut "Negeri Bernaung" selesai dan sehinggalah sekarang berada dalam Malaysia.

Sebagaimana kita maklum, bahawa kerajaan melayu di kepulauan melayu adalah hidup dgn kebudayaan sendiri sehinggalah campurtangan dari barat mulai meresap dari semenjak kemasukan Pertugis, Belanda, Perancis dan Inggeris. Sistem beraja adalah hidup dengan baiknya, kemajuan dalam satu-satu negeri  di tumpu sepenuhnya terhadap raja dan kerajaan.

Tom Pires seorang orientalis pernah menceritakan bahawa di istana Patani, pembesar drajanya menaungi ahli2 seni.  Senitari, seninyanyi, senimuziknya sudah tersusun sehingga pertunjukan yg mengkagumkan dapat di pertontonkan dgn baik.  Kalu di Roman dan Greece terdapat Mascaena kesenian seumpama pembesar2 negeri Patani maka nyatalah kesenian melayu Patani juga bernilai tinggi. Hal ini tersebar ke Kelantan sehingga sekarang masih dapat di lihat dan di hayati kesan peninggalan kebudayaan yang tinggi nilainya itu.

Awal kurun XIX, Abdullah Munshi melawat Kelantan, banyak hal2 menarik khususnya hal berkaitan dengan kebudayaan di tulis oleh beliau. Lapangan kesusasteraan yang berhubung dengan manuskrip amat terang di nyatakan. Alam kesenian juga di nyata begitu baik perlaksanaannya.  Permainan seumpama menora , makyung, wayang kulit dan tarian amat maju masa itu. Tiap pembesar negeri amat mengambil tahu akan hal2 permainan tradisi ini sehingga sanggup mengadakan kumpulan khas.  Dalam hal ini Tengku Bendahara Tengku Chik Tuan Abdullah, Tengku Temenggung Abdul Ghffar dan lain2nya yang selalu mengawasi urusan kesenian Kelantan patutlah di kenang dan di bangga oleh rakyat Kelantan.

Dalam Negara Kretagama di sebutkan negeri2 di pantai timur termasuk Patani dan wilayahnya amat maju dalam pemerintahan. Perhubungan antara Patani termasuk Kelantan dengan Majapahit yang masyhur itu sudah tidak asing lagi yg menggambarkan Kelantan adalah tinggi nilai kebudayaannya.  Dalam sejarah Majapahit terdapat suatu helah yg di ajukan oleh Patih Aria Gajah Mada tentang usaha mencari jodoh kepada Ratu Majapahit.  Dalam hal ini ada imbasan yg dapat di andaikan bahawa puteri yg di cadangkan adalah puteri dari Kelantan.  Kemasyhuran kecantikan dan keagungan puteri Kelantan itu juga pernah di nyatakan oleh Ibnu Batuttah.  Banyak sarjana berpendapat yg negeri Kilu Krai adalah Kuala Krai di mana Paduka Cik Siti Wan Kembang menjadi ratunya. 

Sudah menjadi kebiasaan kerajaan kelantan mengadakan sambutan besar-besaran bila menyambut harijadi rajanya(Puja Umur).  Serba jenis permainan tradisi di adakan sebagai menyatakan sukaria rakyat terhadap rajanya. Kebiasaannya jenis2 permainan tradisi rakyat Kelantan zaman dahulu ialah:

1.    Makyung
2.    Menora
3.    Asyik
4.    Joget (Imitasi gerak wayang melayu, bukannya tarian rentak joget/ronggeng)
5.    Wayang kulit kelantan/siam
6.    Wayang melayu/jawa
7.    Topeng (Tarian joget memakai topeng di depan panggung wayang melayu pada sebelah pagi)
8.    Rebana kercing
9.    Rebana riba
10.  Rebana ubi
11.  Rebana Besar
12.  Rebana mangkuk
13.  Tari inai
14.  Gasing pangkah/uri
15.  Peteri
16.  Bageh
17.  Ulek Banda
18.  Ulek bubu
19.  Wau
20.  Main Choh
21.  Sepak raga tinggi
22.  Sepak bulu ayam
23.  Golek para
24.  Tikam seladang
25.  Gajah/Raja patah
26.  Kertok
27.  Lokan bertepuk
28.  Selampit
29.  Silat tari
30.  Silat tongkat
31.  Dikir laba
32.  Dikir barat
33.  Belaga kukoran

Kita harus sedar bahawa proses rasa seni pada diri sesaorang adalah tertaman sejak mereka lahir.  Anak yg baru lahir sedang menyusu pada ibu biasanya mendengar dodoi, dendangan dan nyanyian belaian ibunya akan  tersemat rasa seni itu pada jiwa mereka.  Makin besar anak itu makin bertambah pengalaman seni pada diri mereka. Seni muzik, seni suara, seni tari, seni teater akan mempengaruhi anak2 itu.

Dalam hal ini mereka akan merasa senang dan puas hati bilamana mendengar atau melihat apa yang telah di alami oleh mereka semasa kecil dahulu.  Mungkin kepada peringkat yang telah berumur akan merasa puas hati dan bersemangat serta gembira bila serunai dan gendang silat di mainkan, lagu makyung di alunkan, lagu dikir barat di nyanyikan dan di hayati oleh generasi tersebut.  Anak mereka masih dapat dan sempat mengalami pengalaman ini, tetapi cucu-cucu mereka mungkin proses penerimaan nya sudah mula berkurangan.  Anak yang berkurangan pengalaman oleh kerana tiada bersambungnya seni tersebut tidak dapat menghayati rasa seni lagi sebagaimana ayah dan datuk mereka dahulu.

Dalam masa 20 tahun saja jika di perhatikan bahawa anak muda yang lahir menjadi sudah pun berumur 20 tahun.  Oleh kerana kekurangan pendedahan kesenian tradisi kita, maka minat mereka sudah pudar.  kepada mereka bunyi gong gendang, serunai rebab adalah sebagai bunyi bising yg megganggu mereka sahaja, sedangkan bunyi alat2 tersebut bagi orang2 tua mereka adalah satu kemegahan dan timbul rasa puas hati.  Penurunan bahan2 permainan tradisi amat ketara pada mereka sudah tiada lagi. Permainan Makyung, Wayang kulit, silat dan lain2 yang tinggi nilai seninya sudah tidak dapat di hayati lagi. Hal2 seperti ini sekali lagi tidak dapat di persalahkan kepada mereka.  Apa yang penting sekarang ialah kita yang masih ada ini hendaklah menjadi kesinambungan kepada generasi terdahulu yang telah pergi meninggalkan kita supaya permainan tradisi kita tetap terjaga , terpelihara dan di kembangkan kepada generasi muda.

Sumber: http://www.dikirbarat.net/forum/permainan-tradisional/kesenian-tradisional-kelantan/