Tuesday, April 10, 2012

Main bbidah para.


Baru ni ambo gi Semporna Sabah. Tahu mana Semporna? Tu, dekat denge  Semporna lah. Bandar tepi laut. Bbetule ambo ada mesyuarat deknu. Hari tu, belah pete, lepah check in hotel Seafest Semporna, ambo terasa puah sangat. Bele-bele cari kopi ssegar tekok, ambo turun raun-raun  tengok kelawase. Bo turun jah dari hotel, bbetule air tengoh pase molek, napok budok-budok main terjun dale air. Budok-budok tu duduk atas batu besar, terjun  plum! Alah ke dale air! Puh, teringat ambo jame budok dulu…

Peduli ko budok tu, ambo jale lagi sore-sore.  Bandar Semporna ni Bandar tepi laut. Meh-meh Tok Bali kalu di Kelate. Celah-celah lorong napok rama budok-budok kecik setengah umur dale 7-9 tahun dok main mace-mace hmene… bele-bele sedut rokok, ambo dok ttinggung atah pagar jeti. Mata dok ralit tengok budok-budok tu…di lenge penuh ngan getah ada sekerat siku… ambo perati ada dale 5 ore budok. Hok hite kecik tu napok lia siket, dia ajak geng dia main capok getah…ada 2-3 ore geng dia main ‘kelong’. Napok sangat dia murih, pah tu gilir tolak. Ambo dok perati lagi…. Hok sore tu rambut keriting, tubuh kasar sikit, main ilat. Awo napok nak kaloh dia mula lah wat tak napok. Hok kecik hite tu pun jet  atah belake, pah tu mulolah berumbah…beraso tak berapo nak rok, hok tubuh kasar rambut keriting pun lari ke belake. Apo lagi, hok kecik hite pun hambat lah…

Lorong tu sepi semula…ambo masih dok ttinggung atas pagar jeti. Palo mulo teringat zame budok-budok dulu. Rama-rama dok ttinggung atas gate tali air. Alik hnaik rumah ambo ada gate tali air. Sebelahnya ada pade lape tepat budok-budok dok main pete-pete, sekalonya lepah balik ngaji quran rumoh muloh tok ayoh. 

Zame budok dulu ambo suko sangat main bbidah getah paro. Tahu main mace mano?
Getah para ni hmene  tradisi budok-budok dulu. Sebut getah para gak, ambo la champion masa kecik dulu. Di lenge tu sekerat siku getah, belum lagi dale kocek seluar, kiri kana nada se berekas getah. Getah ni ambo tak pernah beli, tapi buleh hasil dari main getah para.

 
 getah gelang. Getah ni kalau pintal tebal-tebal 
buleh dijadikan kor pital atau kor sawat itik.

Main getah para ni, kita kena pasak dua bate kayu. Pah tu ambik getah gelang rentang  atah batang kayu tu.  Rentang atah bate kayu tu lah hok ore sebut ‘para’. Pah tu tage lah getah ikut banyok mano hok kita ttaruh. Lagi biso lawe, lagi banyok bertaruh getah gele.

Nak setat main, kena one two som dulu. Sapo mulo dulu dia buleh lah bidah getah atas para tu. Ore luar kata ‘bidik’. Ambo kalu bab nguting bidah getah ni gak, meme champion lah. Gu lawe ambo masa tu gak, jaki anak muloh pak su Ya, Jaghi adik dia, jelan, mat roji, nuar, kadir mak su bia, sedi, supi seri dan ramai lagi.  Kalu bidah, getah kena jatuh dari para. Kalu jatuh masih ttakup lagi dari para, tak leh kiro sebab dia masih ada karan.  Maka giliran ore lepas tu lah pulok bidah supaya jatuh dari para dan tidak ‘karan’. Kalu jatuh tak ttakup denge getah lain atau denge getah para, mako semo getah tu jadi hok kito.

 
 ni lah para. getah disusun atah para. bila kor sawat
 itik kena getah  hok jatuh dari para akan jadi hok kito

Selalunya main getah paro ni menguji skill dan kehebatan bbidah yang jitu. Payoh nok main ilat sebab kita duk jauh dari para. Main bidah para ni kena main dengan ‘kor sawat itik’ atau ‘kor pital’. Kor sawat itik atau kor pital ni adalah getah yang dipintal tebal untuk dijadikan kor wat bbidah.  Dok lah jauh mano pun, kalu kor pital tu kemah, buleh bidah tepat. Setakat cicak 4-5 depa atah rabung tu sekali bidah jah hancur ppalo. Sama teloh la kalu getah para, sekali bidah ssembur getah, buleh pate kutip wat nyohor di sekolah…

Main bidah para ni, kalu kor pital atau kor sawat itik tu terlekat atas para, maka tak pasal-pasal lah buleh kok re. jadi kena bidah jange wi lekat atas para dan biar getah hok uting tu jatuh dari para. 

“Bip! Bip! Bip!” tengoh tengoh ambo dok koyal pasal bbidah para, tibo-tibo telepon ambo bbunyi, ada geng telepon dari hotel tanyo kabar ambo dah sapa ko belum. Kacau sungguh, abih hile kenange lalu.....

No comments:

MADRID II

  Kota Madrid seawal abad ke 9 pernah diperintah oleh gabenur Umayyah Andalusia dan kota ini dikenali sebagai 'majrit' dari kata asa...