Saturday, September 4, 2010

seminggu sebelum ghayo sewaktu ambo balik cuti

ceghito sayo, 
seminggu sebelum ghayo sewakto ambo balik cuti
sayo duk nengung atah palo tanggo, ralit dok perati
Tengok ko pakdo Iso anak beranak laki bini
nok make lauk buko poso, 
satu keluargo berambat nak pitah serati guling bating
bercawat kote pulok Pak Do rukah Nyo

Golok di pingge ikat semuta atah ppalo
kalu lah belawe nge beghuk pun laju pak do
beruk gerenti akat tangan selendar, 
"ooo terer lagi Pak do.."
Setakat nyayur begulai belake ghumoh serba ado
Tak payoh nak gi kkedai tak payoh keluar belanjo
Tanah berekar ekar buleh menane buleh megho
Kalu gawat balik lah satu Malaysia, 
relek jah Pak Do

Jauh tak seghupo denge sayo dok Bandar
Punya la sekso kalu bini kato " Abee nok gulai.."
Pruungg setat kegheta,
supermarket kedai besar tempat mahal
Baghu sebutir nyo keno dekat dua riyal

Ambo di bandar denge jiran tak pernah bertengkar
Tak pernoh bekasar, tak pernoh bergurau
Duduk sebelah pagar, namo pun tak kenal
Lu lu Gua Gua apa pasal
selisih bertembung, akat kening akat mato
Buke kato sombong, tapi doh samo-samo beso

Semayang terawih pong kosong,
saf pertamo belake tok Imam jah sajo
Kalu tepat gotong royong,
  penoh, semuanya ahli jawate kuaso

Baghu-baghu ni kegheta jire Oghe maghi taghik
Saya dok ddale, diee, kkurung dale bilik
Buke tak berani, sajo malah keluar takut besabit
Sebab kegheta saya sendiri pung jenih kegheta sakit

Seminggu sebelum ghayo, sewaktu saya balik cuti
Lape raso dada sejuk dale hati
Tengok anok daro arwah Pak Su Ali
Comel doh So, baik, warok pulok sekali
Male lepah Iso, syahdu ambo dengar
Sedapnyo sogho, quran dia hafal
Kelua soo..soo... 
seghupa denga dale speka
Kalu buat bini mudoo...
Bini tuo buleh tupe belajar...

Jauh tak serupo denge anak jiran sebelah alik kiri
Jire sebekah ambo di Kuala Lupo, 
anok drebar teksi
Baghu tikate tigo, doh berenti ngaji
Tak tahu nok jadi begapo, hidup supo mati
Rambut hok ite, dia gi celup kuning
Di telinga ada limo sube, 
tiga tambah atah kening
skirt ketat, baju jaghe kemah keming
Tok lebai nge Tok Imam pun dua tiga kali jeling

Belum masuk iso, ujung-ujung maghrib
Ado muto ado kegheto
Berebut maghi ambik
Tak tahu bawok gi kemano, 
kade kade tak balik
Serupo teksi ayoh dia 
asalkan tambe, 
sapo-sapo pun buleh naik

Sekali, seminggu sebelum ghayo sewaktu ambo balik cuti
Hati ambo berkato, 
duduk kkapong baik lagi
Agama demo jago, 
Adab Budaya nilai murni
Di bandar ning, 
tak dok apo-apo, 
Hile jati diri


Selamat Hari Rayo.
Sabri Yunus

No comments:

MADRID II

  Kota Madrid seawal abad ke 9 pernah diperintah oleh gabenur Umayyah Andalusia dan kota ini dikenali sebagai 'majrit' dari kata asa...